انا كدا فى كل لحظه عاشق
واللى اعشقه يعشقنى؟..مش فارق
اعشق عيون من بين عيون سرقتنى وطاوعتها
يمكن مش شايفانى بس كفايه انى شوفتها
ادوب فيها واتمنى لو من زمان قابلتها
ياخدونى لدنيا عمرى فى حياتى ماعشتها
واعشق همسه جايه من بعيد
وانا واقف ف قلب ليلى وحيد
انادى واقول مين؟ مدلى ايد
مايجيش الرد وحيرتى جوايا تزيد
مين بينده مين بيحس بيا ورايدنى اكيد
وافضل كل ليله استنى ومن جديد
اسأل نفسى ياترى دا حقيقى؟
ولا مرض العشق بقى عندى شديد
واعشق ابتسامه فى قلب صوره
واعشق جنيه محبوسه فى بنوره
بعشق ولو حكايات عشقى
فى عالم الخيال محفوره
واعشق وانا حاسس ان عشقى حقيقى فزوره
يعنى مثلا اعشق مين تعذبنى
قاسيه عليا ومغروره
واعشق اللى نظره منى تعيشها
الف ليله وليله مسروره
وليلاتى تبات فى حضنى مكسوره
ما انا كدا فى كل لحظه عاشق
واللى اعشقه يعشقنى؟ مش فارق
